ज्येष्ठ नागरिक मिलन केन्द्र रुपन्देही (SCRCR)
“ज्येष्ठ नागरिकको सम्मान, ज्ञानको हस्तान्तरण र आन्तरिक शक्तिको जागरण हाम्रो अभियान हो।”
ज्येष्ठ नागरिक मिलन केन्द्र, रुपन्देही (SCRCR) एक गैरसरकारी, गैरराजनीतिक तथा समाजसेवी संस्था हो, जुन जिल्ला प्रशासन कार्यालयमा दर्ता भएको छ। यसको उद्देश्य ज्येष्ठ नागरिकहरूको सम्मान, स्वास्थ्य, आत्मनिर्भरता, आत्मिक उन्नति तथा जीवनभरको ज्ञान र अनुभवलाई समाज र नयाँ पुस्तासम्म हस्तान्तरण गर्नु हो।
हाम्रा ज्येष्ठ नागरिकहरू ज्ञान, अनुभव, संस्कार, कला र जीवनदर्शनका अमूल्य भण्डार हुन्। उहाँहरूको जीवन अनुभवलाई सम्मान गर्दै केन्द्रले आत्मीय वातावरणमा निम्न कार्यक्रमहरू सञ्चालन गर्दछ:
- ध्यान तथा योग
- काउन्सेलिङ
- भजन–कीर्तन
- आध्यात्मिक प्रवचन
- ज्ञान आदान–प्रदान
- सामाजिक अन्तरक्रिया
- मनोरञ्जनात्मक कार्यक्रमहरू
साथै, स्वस्थ जीवनशैली, मानसिक स्वास्थ्य, सन्तुलित आहार, स्वास्थ्य परामर्श तथा विशेषज्ञ चिकित्सकहरूसँगको अन्तरक्रियामार्फत समग्र स्वास्थ्य प्रवर्द्धनमा जोड दिइन्छ।
केन्द्रमा वेद, उपनिषद्, धर्म, दर्शन र आध्यात्मिक ज्ञानका साथै जीवनलाई सार्थक, शान्त र आनन्दमय बनाउने व्यावहारिक शिक्षाहरू प्रदान गरिन्छ। निम्न विषयहरूमा नियमित छलफल तथा मार्गदर्शन गरिन्छ:
- आत्मबोध
- सकारात्मक सोच
- नैतिक मूल्य
- सत्य र शान्ति
- मानव कल्याण
हामी विश्वास गर्छौं कि वास्तविक स्वास्थ्य केवल रोगमुक्त अवस्था होइन; यो शारीरिक, मानसिक, सामाजिक र आध्यात्मिक सन्तुलनको समग्र अवस्था हो। त्यसैले हाम्रो प्रयास ज्येष्ठ नागरिकहरूलाई सम्मानित, स्वस्थ, सक्रिय, आत्मनिर्भर, विचारमुक्त र आनन्दमय जीवनतर्फ प्रेरित गर्नुका साथै आत्मबोध, आन्तरिक शान्ति र जीवनको उच्चतम उद्देश्यतर्फ अग्रसर गराउनु हो।
सदस्यता तथा योगदान
हाल संस्थामा:
- रु. ५,००,००० प्रदान गरी ७ जना विशिष्ट संस्थापक सदस्यहरू
- रु. १,११,१११ प्रदान गरी ९४ जना संस्थापक सदस्यहरू
- ९० जना आजीवन सदस्यहरू
गरी जम्मा १९१ जना सदस्यहरू आबद्ध हुनुहुन्छ। सदस्यता विस्तार अभियान निरन्तर रूपमा जारी छ।
अक्षय कोष (Endowment Fund)
संस्थाको दीर्घकालीन सञ्चालनका लागि अक्षय कोष स्थापना गरिएको छ, जसमा हालसम्म ४५ जना दाताहरूले योगदान प्रदान गर्नुभएको छ।
सेवाग्राही विवरण
केन्द्रमा हालसम्म कुल ११५ जना ज्येष्ठ नागरिक (सेवाग्राही आमाबुबाहरू) दर्ता भएका छन्।
आगामी योजना
आगामी योजनाअनुसार:
- ३,००० स्क्वायर फिट क्षेत्रफलमा आधुनिक सुविधा सम्पन्न भवन निर्माण कार्य प्रारम्भ गरिएको छ
- करिब ५०० जना ज्येष्ठ नागरिकलाई सेवा प्रदान गर्ने लक्ष्य राखिएको छ
यातायात आवश्यकता
ज्येष्ठ नागरिकहरूलाई ल्याउन–लैजान सहज बनाउनका लागि संस्थालाई यातायात साधन (गाडी) को आवश्यकता रहेको छ।
आगामी दिशा
संस्थाले सेवा विस्तार, पूर्वाधार विकास तथा ज्येष्ठ नागरिकहरूको सहज पहुँचलाई प्राथमिकतामा राख्दै निरन्तर रूपमा अघि बढिरहेको छ।
स्वास्थ्य, सम्मान, ज्ञान, आत्मीयता र आध्यात्मिक उन्नतिको संगममार्फत ज्येष्ठ नागरिकहरूको जीवनलाई अझ सुखी, समृद्ध, अर्थपूर्ण र गरिमामय बनाउने हाम्रो प्रतिबद्धता छ।
जय जेष्ठदेव